U kap me 115 kg marijuanë, kush është shqiptari i arrestuar në Greqi/ Emri

Policia greke arrestoi mëngjesin e sotëm drejtuesit e dy kamionëve, ndërsa zbuloi një sasi lënde narkotike në aksin Kakavijë-Janinë.

Shqiptarët, drejtues të dy kamionëve, u ndaluan nga policia për kontroll në vendin e quajtur Kranulas. Gjatë kontrollit u zbulua një sasi prej 115 kilogramë marijuanë, e fshehur në një prej kamionëve.

Ndërsa kamioni tjetër kishte për detyrë të kontrollonte rrugën.

Mësohet se një nga shqiptarët e arrestuar është Spiro Dukoli, 29-vjeç dhe drejtonte kamionin me targa AA328ET.

Marijuana e sekuestruar ishte paketuar në 24 pako dhe ishte futur në pesë çanta të zeza. Po ashtu atyre iu gjetën dhe sekuestruan edhe katër telefona celularë dhe 1500 euro.