Një gomone me 1.1 tonë kanabis është kapur ditën e sotme nga policia kufitare greke.
Mediat greke kanë publikuar pamjet nga operacioni i ndjekjes së gomones së ngarkuar me lëndë narkotike.
Ata janë ndjekur nga një helikopter, ndërsa forcat bregdetare kanë qëlluar disa here ndaj tyre duke i paralajmëruar dhe bërë thirrje që të ndalonin.
Mediat greke thonë se droga vinte nga Shqipëria. Gjatë këtij aksioni është kapur edhe skafisti shqiptar, bashkë me dy persona të tjerë,
Vlera e mallit në skaf nëse dilte në treg mendohet se mund të arrinte në rreth 2 milion euro.
