Një italian, 45 vjeç, u arrestua nga policia në vendin fqinj, pasi është një nga të akuzuarit për vrasjen dhe murosjen e shqiptarit, Astrit Lamaj.
Krimi ndodhi në vitin 2013, por u zbulua disa vite më pas, gjatë rikonstruksionit të banesës ku ishte murosur shqiptari.
I arrestuari, sipas mediave italiane, është në arrest shtëpie dhe ai akuzohet se e mbajti viktimën të palëvizur, ndërsa bashkëpunëtorët e tij e mbytën me një fije najloni.
Më pas ata e betonizuan shqiptarin në kollonat e një vile luksoze që ishte në rikonstruksion.
Vrasja u porosit nga një grua e pasur e zonës së Xhenoas, 64-vjeçarja, Carmelina Sciacchitano, një tregëtare bizhuterish. Dyshohet se shkak i krimit ishte një lidhje e mëparshme që viktima kishte pasur me 64-vjeçaren, ndërsa ata ishin ndarë.
Karabinierët e Njësive Hetuese të Monza dhe Caltanissetta, kanë njoftuar një urdhër paraburgimi ndaj Salvatore Tambè, tashmë në arrest shtëpie duke qenë pjesë e Cosa Nostra, i akuzuar si bashkëpunëtor për vrasjen vullnetare të Astrit Lamaj.
Hetimi lindi në vitin 2018, pas deklaratave të një bashkëpunëtori të drejtësisë.
Hetimi zbuloi përfshirjen e Tambè të lidhur me bandën mafioze Cammarata, si një prej autorëve në vrasjen dhe fshehjen e kufomës së shtetasit shqiptar, i cili u zhduk në janar 2013 nga Genova dhe murosur brenda vilës.
