Kreu demokrat, Lulzim Basha, tha se Kryeministri Edi Rama prej muajsh dhe vitesh nuk dëgjon asnjë shqiptar, madje nuk ka dëgjuar as planin me 5 pika që ne kemi propozuar për rimëkëmbjen.
“Ekonomia po zhytet në krizë, papunësia po rritet në mënyrë gjeometrike.
Bizneset, qytetarët nuk kanë asnjë mjet për të tejkaluar këtë krizë të thellë
Qeveria nuk dëgjon bizneset, nuk dëgjon mjekët, nuk dëgjon mësuesit, nuk dëgjon të rinjtë që lënë Shqipërinë nga terminali i autobusëve”, tha Basha.
Ai tha se Rama nuk mban premtimet, ndërsa shtoi se ai dëgjon vetëm ata që i jep paratë për inceneratorët.
“Po i jep inceneratorëve me lopatë para, 2 mln euro vetëm javën e kaluar. Dëgjon ata që përfitojnë tendera korruptivë si ajo e Korçë-Ersekë ku 4 km rrugë kushtojnë 20 mln euro”, tha Basha.
Kreu demokrat tha se plani ynë me 5 pika nuk është kinematografi me regji qëndrore, nuk janë cic-mice, por rrugëdalje nga kriza.
“Edi Rama dëgjon vetëm zërin e oligarkëve të tij që kërkojnë para për inceneratorët.
Me çfarë i ushqejnë fëmijët shqiptarët që janë braktisur prej muajsh pa asnjë burim të ardhurash?
Po bëhet 1 vit nga tërmeti, qytetarët janë ende në çadra, në shtëpi të rrënuara që rrezikojnë t’i zënë poshtë”, tha ai.
Sipas tij, plani me 5 pika, garanton ofrimin e mbështetjes për të mbrojtur mjekët, trefishimi i numrit të testimeve.
“Plani ynë me 5 pika, 1000 euro shtesë mujore për çdo mjek, 500 euro për çdo infermier”, tha kreu demokrat.
