“Edi Rama, në kulmin e krizës vendos prioritet incenratorët dhe jo shqiptarët në krizë të thellë. 2 milion euro me një dorë për inceneratorin e Fierit dhe të Tiranës, asnjë qindarkë për qytetarët e papunë dhe bizneset e mbyllura”, shprehet Grida Duma, ish-deputete e PD.
Ajo tha se vetëm pak ditë më parë Edi Rama, qeveria, ka paguar 2 (dy) milionë euro për inceneratorin e Fierit dhe të Tiranës.
“Deri sot janë paguar plot 75 (shtatëdhjetë e pesë) milion euro për të ashtuquajturët inceneratorë që as nuk ekzistojnë.
Dy 2 milion euro, në këto ditë të vështira, ditë të zeza për shpenzimet e shqiptarëve, ku seicili ka nevojë për ndihmë financiare të drejtëpërdrejtë, ndërsa Edi Rama çirret e ulëret se s’ka para, para paska për çfarë, për inceneratorët.
Para ka, po para ka, por ato vidhen.
Vidhen dhe më pas i nxjerrin jashtë Shqipërisë e i fshehin në parajsa fiskale”, theksoi Duma.
Ish-deputetja shtoi se Kryeministri Edi Rama ka si prioritet inceneratorët, ndërsa mjekët gënjehen se do merrnin shpërblimn e pandemisë dhe marrin thuajse asgjë në raport me punën.
“Ky është prioriteti inceneratorët?! Kur mësuesit punojnë me tre turne dhe nxënësit shpenzojnë përditë për maska e mjete mbrojtëse ndërsa bëjnë vetëm dy për mësim.
Ky është prioriteti? Kur pensionistët që s’blejnë dot as ilaçet, tani shpenzojnë edhe më shumë për të dalë në rrugë të mbrojtur nga pandemia.
Prioritet është të sigurohen maska per gjithe dimrin për 1 milionë shqiptarë, dhe këtë duhet të bënte qeveria.
Prioritet është të japësh bonus prej 1000 euro 2 mijë biznese të vogla dhe këtë mund të bënte me 2 milion euro.
Prioritet është ushqimi i 2500 familjeve që kanë humbur vendin e punës, të cilët mund të marrin nga 16 mijë lekë (të reja) në muaj për 6-muajt e ardhshëm.
Me 2 milion euro mund të jepej bonusi mujor prej 2 mijë lekësh (të reja) për më shumë se 20 mijë pensionistë
Këto do të bëntë çdo qeveri që qeveris në të mirë të vendit të vet. Vetëm këtë nuk bën e smund të bëjë asnjëherë Edi Rama”, tha ajo.
