Erion Dasho, ekspert i shëndetit publik, i ka drejtuar një apel të fortë qeverisë për të lënë mënjanë propogandën dhe sukseset imagjinare në luftën ndaj Covid-19.
Mjeku i njohur shkruan në rrjetet sociale se sot Shqipëria vuan mungesën e mjekëve të aftë reanimatorë, ndaj dhe humbjet e jetës nga Covid janë në nivele të larta.
Sipas tij, QSUT drejtohet nga një person që arsimin bazë e ka klarinetist dhe sot kjo qendër spitallore u bë inkubatori i përhapjes së COVID, në vend që të ishte institucioni ku organizohet një përgjigje efektive e bazuar mbi evidenca.
“Konkurrenti i klasifikuar i dyti, një nga anestezistët tanë më të talentuar, i zhgënjyer nga farsa, u largua drejt sektorit privat. Sot, edhe si rezultat i mungesës së mjekëve anestezistë-reanimatorë, Shqipëria ka një vdekshmëri të frikshme reanimatore nga COVID që mund të luhatet midis 60% dhe 80%.
Mund ta themi me plot gojën se demagogjia dhe nepotizmi kësaj here kanë vrarë me dhjetëra shqiptarë, faji i vetëm i të cilëve ishte fati i keq që drejtohen nga demagogë mashtrues!”, shkruan Dasho.
Postimi nga Erion Dasho
MJAFT ME PROPAGANDË!
Kur dëgjon propagandën e paturpshme të qeveritarëve tanë rreth sukseseve imagjinare në luftën kundër COVID nuk mund të mos bësh lidhjen me pothuajse çdo fushë ku kjo propagandë shfaqet.
Një studente ekselente i bën pyetjen e mëposhtme kryeministrit dhe merr një përgjigje mallëngjyese, aq sa të duket sikur Shqipëria ja ka kaluar prej kohësh Suedisë dhe Norvegjisë në ndershmërinë e emërimeve në sektorin publik.
Fatmirësisht për qytetarët dhe fatkeqësisht për kryeministrin demagog, ka njerëz që ende kujtohen.
Dy ose tre vjet më parë u shpallën konkurset për drejtorë të spitaleve të rëndësishëm në Shqipëri. Në QSUT konkurroi një plejadë mjekësh dhe menaxherësh nga më të aftët që ka prodhuar sistemi ynë shëndetësor në vite.
Në fund, konkursin e fitoi drejtori aktual me arsimim bazë klarinetist!!!
Pasojat:
1. Dy vjet më vonë QSUT u bë inkubatori i përhapjes së COVID, në vend që të ishte institucioni ku organizohet një përgjigje efektive e bazuar mbi evidenca.
2. Konkurrenti i klasifikuar i dyti, një nga anestezistët tanë më të talentuar, i zhgënjyer nga farsa, u largua drejt sektorit privat. Sot, edhe si rezultat i mungesës së mjekëve anestezistë-reanimatorë, Shqipëria ka një vdekshmëri të frikshme reanimatore nga COVID që mund të luhatet midis 60% dhe 80%.
Mund ta themi me plot gojën se demagogjia dhe nepotizmi kësaj here kanë vrarë me dhjetëra shqiptarë, faji i vetëm i të cilëve ishte fati i keq që drejtohen nga demagogë mashtrues!
