Përzgjedhja e kryeprokurorit në Kosovë, SHBA tërhiqet nga monitorimi, Hoti: Jam i shqetësuar

Kryeministri Avdullah Hoti ka reaguar pasi ambasada amerikane në Prishtinë vendosi që të tërhiqet nga monitorimi i konkursit për përzgjedhjen e kryeprokurororëve në Kosovë.

Hoti thotë se është i shqetësuar me këtë vendim dhe se kjo duhet të merret seriozisht.

Deklarata

Jam thellë i shqetësuar nga vendimi i Ambasadës së SHBA-ve për tërheqje nga monitorimi i procesit të përzgjedhjes së kryeprokurorëve dhe anëtarëve të Këshillit Prokurorial të Kosovës. Shqetësimet e tyre duhet të merren seriozisht.

LEXO EDHE  Misteri i zhdukjes së Pecorelli-t, italianët kërkesë prokurorisë shqiptare për prova të reja

Vetëm një proces transparent, pa asnjë konflikt interesi apo ndikimi politik, siguron përzgjedhje mbi baza të meritës.

Qeveria e Kosovës, përmes Ministrisë së Drejtësisë, po punon në reformën në drejtësi, përfshirë vettingun. Ky proces do të sigurojë një sistem të drejtësisë transparent, me llogaridhënie të brendshme dhe kontroll reciprok.