Kreu demokrat Lulzim Basha tha mbrëmjen e sotme në emisionin “Çim Peka Live” se kostot e planit të propozuar nga PD për nxjerrjen e vendit nga kriza që krijoi pandemia arrijnë në 312 mln euro.
Basha tha se ndihma që duhet t´i jepet bizneseve një bonus prej 1 mijë euro, i cili mund t´i shërbejë bizneseve për të kryer disa pagesa që sot nuk kanë mundësi t´i kryejnë.
Gjithashtu kreu demokrat tha se propozohet që bizneseve të mëdha mund tu afrohen kredi me një interes tavan 2 %, sikundër të mbahet zero kredia që merret për pagat.
Basha tha se mundësitë që Qeveria të sigurojë 312 mln gjenden nëse ka vullnet.
“Fondi përbën 3 % të Buxhetit të Shtetit, mjafton të rialokohen fondet, të mos u jepen koncensionarëve apo inceneratorëve, të anullohen kontratat korruptive, ku një km po kushton 5 mln euro, ndërsa tenderi fitohet në Korçë nga miku i Edi Ramës”, tha Basha.
Ai tha se vendi ndodhet në prag të një kolapsi të vërtetë dhe këtë çdo shqiptar e shikon edhe e ndjen përditë edhe unë e ndiej në cdo ditë që jam në kontakt me ta.
“Ajo që më shqetëson jashtë masë është se ndonëse në gjashtë muajt e fundit kjo qeveri edhe ky kryeministër jo vetëm që e kanë braktisur totalisht ekonominë edhe fatin e shqiptarit të thjeshtë por po vazhdojnë të bëjnë të njejtat gjëra që kanë bërë shtatë vite me rradhë që janë arsyeja pse jemi këtu. Le ta themë më konkretisht, e mbani mend pas tërmetit të 26 nëntorit që u shkul e gjithë bota për të na ndihmuar”, tha ai.
