Ministri i Turizmit, Blendi Klosi, bëri një deklaratë tejet të çuditshme, duke u shprehur se muzika e përhap koronavirusin me shpejtësi.
Me këtë argument, Klosi shpjegoi pse Qeveria nuk lejon muzikën pas një orari të caktuar, apo pse nuk lejohen klubet e natës të funksionojnë.
“Nuk duhet t’ia bëni pyetjen ministrit të turizmit, se për politikat e turizmit do ishte shumë mirë që të ishin të hapura, por kjo pyetje duhet bërë ekspertëve, që gjykojnë se zonat me muzikë dhe kjo është e vërtetuar janë zonat ku virusi hapet më shumë se në çdo vend tjetër pasi valët e muzikës janë ato që përçojnë virusin, në distancat që jemi ne të dy mund të mos ketë përçim, në distancat ku ka valë muzike përhapja e virusit është më e madhe. Dhe në ambientet me muzikë sidomos ku përdoret pika alkoolike, njerëzit duke qenë më pranë njëri tjetrit, lëshohen më shumë”, deklaroi Klosi ditën e sotme.
Pas deklaratës së ministrit të Ramës, në rrjet kanë qarkulluar memet ironizuese.
“Përveçse koronavirusit muzika të lë dhe shtatëzanë”, është ironia e përdorur në njërën prej tyre e cila ka pasur një komentim të shumtë nga ana e ndjekësve.
DENONCO