Mariah Carey rrëfen jetën me ish-bashkëshortin 20 vite më të madh: Flija me valixhe poshtë krevatit në rast se më duhej të arratisesha

Mariah Carey çdo ditë po zbulon detaje të reja mbi temat që ka trajtuar në autobiografinë e saj “The Meaning of Mariah Carey”, që doli në treg të hënën. 50-vjeçarja foli hapur për tradhtinë ndaj ish-bashkëshortit, rehabilitimin, dhunën në familje dhe divorcin e saj.

Këngëtarja u martua me producentin e muzikës Tommy Mottola kur ajo ishte vetëm 23-vjeç dhe ai ishte 43. Mariah Carey pretendon se Mottola po kontrollonte jetën e saj. Ajo rrëfeu se gjatë martesës mbajti një çantë të mbushur me rroba poshtë shtratit, që ta kishte gati nëse do t’i duhej të arratisej.

“Më mbante larg miqve dhe ‘familjes’ time të vogël që kisha,”- rrëfeu këngëtarja. “Nuk mund të flisja me askënd që nuk ishte nën kontrollin e Mottolas. Nuk mund të dilja ose të bëja asgjë me askënd. Nuk mund të lëvizja lirshëm në shtëpinë time.”

Producenti i muzikës nuk iu është përgjigjur publikisht pretendimeve në libër, por është shprehur se “i uron Mariah Carey dhe familjes së saj më të mirat”.

LEXO EDHE  Dua Lipa shijon pushimet në jug në shoqërinë e Greg Ramës (FOTO)

Diva e muzikës ka rrëfyer se përjetoi dhunë në familje kur ishte fëmijë.

“Që kur isha foshnje, kisha zhvilluar instinktet për të kuptuar kur po vinte dhuna,”– tha ajo.

Mariah Carey rrëfeu momentin kur tradhtoi ish-bashkëshortin me lojtarin e New York Yankees, Derek Jeter. Këngëtarja e quajti tradhtinë si “katalizatori që i duhej për të dalë nga kontrolli i Mottolas”.