Eskperti i ekonomisë, Enno Bozdo është shprehur sot se Partia Demokratike ka propozuar një plan me pesë pika, me qëllimin për të nxjerrë ekonominë shqiptare nga kolapsi, duke i sugjeruar qeverisë shqiptare të përdorë vetëm 25 për qind të 1.2 miliard Eurove borxh që ka marrë në emër të shqiptarëve.
I ftuar përmes një lidhje me Skype për edicionin informativ të lajmeve në televizionin TVT, Bozdo theksoi se plani prej 5-së pikash i propozuar nga PD dhe që kap një shifër prej 312 milionë Euro, mund të realizohet nëse do përdoret vetëm ¼ e shumës së përgjithshme të borxhit që qeveria shqiptare ka marrë.
“Gjatë 8 muajve të fundit qeveria shqiptare ka marrë 1.2 miliard euro borxh, ka marrë 65 miliard euro borxh eurobondin, ka marrë 190 milion dollarë borxh FMN, ka marrë 180 milion dollarë borxhe dhe grande nga Komisioni Europian, ndërsa në tregun e brendshëm ka marrë edhe 100 milion të tjera nëpërmjet eurobondeve të emëtuara në euro në tregun e brendshëm të Shqipërisë”, tha Bozdo.
Sipas tij, askush nuk e di se për çfarë janë të dedikuara dhe ku do shkojnë këto 1.2 miliard Euro borxh.
“Sigurisht me variantin që vjen qeveria për të zgjidhur krizën e jashtëzakonshme që ka kapur vendin është që të japin një koncesion të radhës”, tha anëtari i Kryesisë së PD-së, duke shtuar më pas se siç mund të jetë rruga Miliot-Fier, e cila kushton fiks 1.1 miliard euro.
Bozdo, u shpreh se Partia Demokratike dhe kryetari Basha ka një tjetër plan, duke nënvizuar se demokratët, sipas planit të tyre, kërkojnë se jo të gjitha parat, madje as gjysma e tyre, por vetëm ¼ ose 25 për qind e borxhit që ka marrë kjo qeveri në emër të shqiptarëve të përdoret për shqiptarët.
Ndërsa në lidhje me planin e propozuar nga PD për të nxjerrë Shqipërinë nga kolapsi ekonomik, Bozdo u shpreh se plani shtrihet në një periudhë 6-shtë mujore, çfarë do të thotë se nuk është një plan për rimëkëmbjen e ekonomisë, nuk është një plan që shpalos një platformë elektorale, por është një plan afatshkurtër, 6 mujor, për të nxjerrë nga kolapsi ekonominë shqiptare.
Për të, për arsye që tashmë dihen, dhe jo vetëm për shkak të tërmetit dhe jo vetëm për shkak të pandemisë, ekonomia shqiptare është në kolaps.
Sipas tij, është në kolaps në radhë të parë për shkak të keqqeverisjes së realizuar në këto 5-6 vitet e fundit, por edhe pandemia sigurisht që ka luajtur rolin e saj.
Bozdo tha se nga vetë ekspertët pranë qeverisë shqiptare është pranuar se ntë dyja paketat që ka ofruar qeveria shqiptare për përballimin e krizës rezultati ka qenë pothuajse zero.
“Ne jemi vendi me ndihmën më të vogël më pak se 1% të prodhimit të brendshëm, 0.80% të PBB-së ofruar ekonomisë dhe popullatës dhe shtresave në nevojë. Kjo na rendit ndoshta në vendin e fundit në botë për ndihmën që kemi dhënë për aq sa jemi prekur nga pandemia. Tani me ofrimin e dimrit, kur pandeminë e kemi më shumë prezente se sa duket, pasiguria është e madhe dhe në kohën kur situata ekonomike është realisht dëshpëruese, pasi 75% e bizneseve raportojnë që janë me humbje ose e mbajnë hapur aktivitetin e tyre vetëm për të mos pushuar punonjësit. Pra, jemi në një situatë depresioni të mirëfilltë”, u shpreh ai./TvT/
DENONCO