Atalanta i jep leksion Lazios në kryeqytet, bergamezët fitojnë me “poker”

Atalanta po konfirmon formën e jashtëzakonshme të sezonit të kaluar edhe në edicionin e ri. Ekipi i Gasperinit zhvilloi një ndeshje madhështore përballë Lazios, triumfoi 1-4 dhe u largua me tre pikë nga kryeqyteti italian.

Miqtë e nisën menjëherë në sulm, aty ku janë tmerrësisht të fortë. Robin Gosens zhbllokoi shifrat në minutën e dhjetë, teksa 22 minuta më pas dhuroi një asist perfekt për Hans Hateboer, me holandezin që finalizoi falë një goditje fluturimthi.

Katër minuta para mbylljes së fraksionit të parë erdhi edhe rrjeta e kapitenit Gomez. 0-3 për Atalantën dhe hera e tretë për Thomas Strakoshën që nxjerr topin nga rrjeta,. Vendasit e nisën mirë fraksionin e dytë, Caicedo shkurtoi diferencat në minutën e 57-të.

LEXO EDHE  4 kërkesat e Presidentëve të Superiores, Liga Profesioniste afat Ramës deri të enjten

Lazio mori zemër, por vetëm për pak. Argjentinasi Gomez gjeti golin e dytë personal dhe 1-4 për Atalantën, që numëron gjashtë pikë të plota pas dy javëbe të para me 8 gola të shënuar.

Mbrëmje për t’u harruar për Thomas Strakoshën dhe djemtë e tjerë të Simone Inzaghit, ndërsa Berat Djimsiti (u zëvendësua në pushim) me shokë vazhdojnë të dhurojnë një futboll fantastik shoqëruar me fitore.