Ish-deputeti i PD, Ervin Salianji i është përgjigjur akuzave të kryeministrit Edi Rama në adresë të kryedemokratit Lulzim Basha.
Gjatë konferencës për shtyp, Rama e quajti Bashën “shalqi me provë”. Ndërsa Salianji kujton dështimet e Ramës në 7 vite qeverisje, duke e etiketuar atë “kungull që si hyri doli”.
Reagimi
Shqiptarët s’kanë ç’presin më. Rama nuk është shalqi me provë, por kungull që si hyri doli.
Faktet janë këto:
Në 7 vjet e nisi me fjalë e premtime e do ta mbyllë me mashtrime.
Shëndetësia në kolaps, arsimi në krizë ekonomia në pikiatë, borxhi stratosferik, papunësia, investimet e huaja që nuk u panë kurrë, pasurimi i një grushti njerëzish dhe varferia ekstreme në çdo cep të vendit. Këto jane faktet!
Kungulli mbetet kungull, por një kungull si ky as nuk e gatuan dot.
Mendoni që është aq kungull sa mendon se me premtime e mashtrime shpreson ta shtyjë ende.
Koha e qeverisjes së kungujve ka mbaruar.
Le të shkojnë të rriten në serat e Surrelit.
Shqiptarët duan ndryshim! .
LEXO EDHE:
Rama ironizon Bashën: Është si shalqi me provë, bëri propozime ekstreme
