Dosja 339, gjysma e të pandehurve kërkojnë gjykim të shkurtuar

Më shumë se gjysma e të akuzuarve për trafikim të lëndëve narkotike, si pjesë e dosjes “339” kanë kërkuar në seancën paraprake “gjykim të shkurtuar”.

Në këtë seancë është kërkuar gjithashtu përkthimi i disa letërporosive të ardhura nga jashtë, të cilat janë sjell nga SPAK të pa përkthyera.

Gjykata pritet të vendosë për të gjithë personat që kanë kërkuar gjykim të shkurtuar nëse do të pranohet ose jo. Në vazhdim, për shkak se një pjesë e të akuzuarve nuk kanë kërkuar gjykimin e shkurtuar, dosja pritet të ndahet dhe gjykimi i themelit të vijoj po i ndarë.

Pritet që në Gjykatën e Posaçme të zhvillohet shorti për caktimin e trupës gjykuese.

LEXO EDHE  Manjani tregon se cila është mundësia e vetme e Bashës për të qëndruar në politikë

Si pjesë e kësaj dosjeje janë Astrit Avdylaj, Altin Avdylaj, Jasin Kala, Gjevi Ndoka, Esat Mehmeti, Hajri Seferi, Shkelqim Avdyli, Denis Llaftiu, Elton Shehaj, Fatos Llaftiu, Hekuran Hoxha, Xhevit Shuti, Flamur Cela dhe Vehbi Berushi.

Ata akuzohen për veprat penale “Trafikimi i narkotikëve”, “Prodhimi dhe fabrikimi i lëndëve narkotike dhe psikotrope”, në bashkëpunim, në formën e posaçme të grupit të strukturuar kriminal, “Grupi i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”, “Pastrimi i produkteve të veprës penale”, në bashkëpunim, “Prodhimi dhe shitja e narkotikëve”, në bashkëpunim.