Vokshi akuza Veliajt: Paguan 1 mld lekë për inceneratorin e Tiranës, 0 lekë shtesë për shkollat

Albana Vokshi, ish-deputete e PD, akuzon Kryebashkiakun Erion Veliaj se ndërsa paguan 1 miliardë lekë inceneratorin e Tiranës, nuk akordon asnjë qindarkë shtesë për shkollat.

Vokshi shprehet se Erjon Veliaj paguan me taksat tona biznesin me pronarë që fshihen në parajsa fiskale, por jo për sigurinë e fëmijëve tanë në shkolla.

“Pak ditë para nisjes së vitit të ri shkollor, qeveria e Edi Ramës dhe Bashkia e Tiranës, e drejtuar nga Erion Veliaj, paguan me taksat tona 1 miliardë lekë inceneratorin e Tiranës. Asnjë qindarkë shtesë për shkollat, por gjithçka për biznesin me pronarë që fshihen në parajsa fiskale.

1 milardë lekë për inceneratorin e Tiranës dhe asnjë pikë ujë dhe as një kallëp sapuni në shkollat e Kryeqytetit.

LEXO EDHE  Inceneratorët/ Basha: SPAK të veprojë, mafia e plehrave ka nisur presionet

Erion Veliaj derdh 1 milardë lekë në kontot në parajsa fiskale, por nuk jep asnjë qindarkë për maskat falas për nxënësit dhe dezinfektimin e klasave”, shkruan Vokshi në një postim në rrjetet sociale.

Sipas saj, me 1 miliardë lekë që Erion Veliaj i ka paguar shtesë inceneratorit të Tiranës mund të ishin paguar edhe testet covid dhe ato sereologjike për mësuesit dhe stafet pedagogjike.

“Çdo qindarkë e vjedhur në kurriz të banorëve të Tiranës do t’i kthehet kundër në 25 Prill. Dhe kushdo i përfshirë në këtë megaaferë do të shkojë para drejtësisë”, thekson Vokshi.