Vendet perëndimore edhe emigrantët apo shtresat e varfëra sociale i trajtojnë me kujdes, madje edhe në rastet kur ata abuzojnë.
Sipas mediave italiane është zbuluar se shumë emigrantë vazhduan të marrin ndihmën shoqërore, me të drejtën e azilkërkuesve të varfër, edhe kur ata punësohen.
Por duke fshehur punësimin, si dhe të ardhurat që merrnin, ata vazhdonin të përfitonin nga ndihmat shtetërore.
Por ata nuk ishin më të varfër, pasi u zbulua se shumë prej tyre, në provincën e Pordenone kishin gjetur një punë, në disa raste në gjendje t’u garantonin atyre edhe 1,200-1,500 euro në muaj.
Sipas normës që rregullon pritjen e migrantëve, të njohjes së statusit të refugjatit, kur të ardhurat mujore tejkalojnë shtesën sociale, shkaktohet dalja e menjëhershme nga sistemi i mbështetjes financiare nga shteti.
Zbulimi është bërë vetëm në një zonë, por fenomeni mund të jetë shumë më i gjerë.
Në atë zonë mediat italiane raportojnë se migrantët ishin kryesisht afganë, pakistanezë ose me origjinë nga Afrika Sub-Sahariane, dhe në shumicën e rasteve kishin gjetur një punë afatgjatë në një fabrikë ose në bujqësi.
