Tre skenarët e RENEA-s kundër 71-vjeçarit/ Ndërpritet energjia, çfarë po ndodh në lagjen 11 nëntori në Elbasan

Lefter Zhidro vijon të refuzojë thirrjet e policisë dhe vajzës së tij për tu dorëzuar, ndërsa prej orës 13:30 po mban të terrorizuar lagjen ku banon në Elbasan.

71 vjeçari vazhdon të qëllojë me armë zjarri ndaj forcave të rendit, në lagjen ‘11 Nëntori’, ndërsa më parë plagosi edhe dy të rinj, kalimtarë të moshës 21-22 vjeç.

RENEA pritet të hyjë në banesë, ndoshta duke përdorur gazin lotsjellës, ndërsa është bërë edhe ndërprerja e energjisë në zonën ku po ndodh ngjarja.

Autoritetet policore, kanë 3 skenarë të mundshëm.

“E para është vazhdimi i negociatave deri në dorëzimin e 71-vjeçarit. Nuk përjashtohet edhe një ndërhyrje e forcave RENEA, duke përdorur gazin lotsjellës dhe neutralizimin e Lefter Zhidrut. Por nëse do të ketë kundërshtim nga ana e 71-vjeçarit, atëherë snajperët që janë vendosur në pallatet përballë, do të veprojë sipas policisë, duke mos saktësuar nëse do të merret një veprim duke tentuar edhe plagosjen e tij në mënyrë që të dorëzohet”, tha një burim policor.

LEXO EDHE  VIDEO/Kryeministri thumboi Kryemadhin, kundërpërgjigjet Vasili: Do skuqesh në tigan nga 3 milion shqiptarë

71-vjeçari nuk po shfaqet më në ballkonin e shtëpisë, çka do të thotë se policia nuk ka pamje vizuale të tij.

Gjithsesi herë pas here ai qëllon me armë zjarri.