Koalicioni opozitar me 2 ose 3 lista, Duka: Ndërkombëtarët të garantojnë marrëveshjen

Kreu i PAA, Agron Duka, aleat i Lulzim Bashës, ishte i bindur se në zgjedhjet e vitit 2021 do të hynte me listën e kandidatëve të tij në zgjedhje.

Por ndryshimet e fundit në Kodin Zgjedhor që maxhoranca ka paralajmëruar të votojë në Parlament në 1 tetor kanë imponuar një realitet të ri, që sipas Dukës sjell edhe nevojën për të gjetur formulën e duhur për të maksimalizuar votën.

“Ne kemi prirjen për të garuar, për të dalë me siglën e partisë Agrare Ambientaliste. Do të shohim, analizojmë edhe numerikisht të gjitha mënyrat për të optimizuar të gjitha votat, jo vetëm të PAA-së, por edhe të opozitës në mënyrë që nesër të marrim një vendim që të na rezultojë i drejtë. Mund të shohim shohim mundësinë e një koalicioni tjetër, mund të shohim koalicion me PD, por mund të shohim edhe ndonjë mundësi të daljes më vete”, thotë ai.

LEXO EDHE  Partia e Jozefina Topallit, Basha: E krijuar nga Rama, është i pashpresë

Por çfarë do të ndryshojë opozita nga 2017 kur të gjithë kandidatët dhe kryetarët e partive u grupuan në një listë të vetme.

“Tentativa është për ta cenuar fitoren e opozitës, por nuk besoj se do e arrijnë”, thekson ai.

Duka flet për një pakt moral mes koalicionit opozitar, duke mos përjashtuar ofertat nga kryeministri Rama edhe në drejtim të forcës së tij politike.

Në Kuvendin e Shqipërisë kanë mbërritur 3 drafte për ndryshimin e Kodit Zgjedhor që do të diskutohen fillimisht në Komisionin e Ligjeve dhe më pas do të miratohen në 1 tetor në Parlament. /abcnews/