Kim apel Ramës dhe Bashës: Respektoni marrëveshjen e 5 qershorit, keni përgjegjësi

Ambasadorja e SHBA i ka bërë thirrje Kryeministrit Edi Rama dhe kreut demokrat, Lulzim Basha, që t’i përmbahen marrëveshjes së nënshkruar në 5 qershor.

Me një mesazh në Twitter, Kim shkruan se liderët politikë duhet t’i përmbahen asaj që kanë nënshkruar.

“Ne i kujtojmë kryeministrit Edi Rama, liderit të PD Lulzim Basha dhe liderëve të tjerë të gjitha angazhimet e tyre në lidhje me 5 qershorin dhe të gjitha masat pas 5 qershorit. Angazhimi, propozimet dhe kundër-propozimet duhet të jenë në mirëbesim.

SHBA do t’ju përkrahë gjithën, por ju, liderët shqiptarë, jeni ata që keni përgjegjësinë’, shkruan ambasadorja Yuri Kim në Twitter.

LEXO EDHE  Kuvendi miraton blerjen e vaksinës për shqiptarët/ Debat mes Finos dhe Alimadhit! Ja sa do të kushtojë

Reagimi i ambasadores amerikane vjen në një kohë kur Këshilli Politik ka hyrë në ngërç, pasi PS insiston në variantin e saj për të mos lejuar koalicionet parazgjedhore sikundër është vepruar në zgjedhjet e mëparshme. PS ka paraqitur një draft, i cili gjithashtu nuk lejon listat e hapura 100% sikundër shprehen publikisht drejtues të kvsaj partie.

Opozita e Bashkuar i është drejtuar OSBE/ODIHR me 5 pyetje, ndërsa mazhoranca ka deklaruar se do të votojë më 1 tetor ndryshimet në Kodin Zgjedhor, duke iu përmbajtur ndryshimeve Kushtetuese të miratuara më 30 korrik.