Evis Kushi betohet si Ministrja e re e Arsimit

Kuvendi ka miratuar me 104 vota pro emërimin e Evis Kushit si ministre e Arsimit.

Pas votimit në Kuvend, Kushi është betuar si si Ministrja e re e Arsimit, Sportit dhe Rinisë.

“Në Institucionin e Presidentit të Republikës u zhvillua sot ceremonia e betimit të anëtares më të re të kabinetit qeveritar, Ministres së Arsimit, Sportit dhe Rinisë, zonjës Evis Kushi, ku ishin të pranishëm Sekretari i Përgjithshëm i kryeministrisë, z.Engjëll Agaçi si dhe anëtarë të Kabinetit të Presidentit. Pas ekzekutimit të himnit kombëtar, ministrja Kushi u betua me dorën mbi Kushtetutë para Presidentit të Republikës: ‘Betohem në nderin tim, se do të zbatoj me përpikëri Kushtetutën dhe ligjet, si dhe do të kryej me përgjegjësi detyrën shumë të rëndësishme që më është besuar, të anëtarit të Këshillit të Ministrave’. Kreu i Shtetit i dorëzoi dekretin e emërimit Ministres së Arsimit, Sportit dhe Rinisë duke i uruar suksese në detyrën e re dhe të rëndësishme”, thuhet në një njoftim të Presidencës.

LEXO EDHE  VIDEO/ Shqiptarët vdesin dyerve të spitaleve, Rama publikon 3D