Një nga virologët kryesorë të Gjermanisë, Christian Drosten, ka thënë se vendi duhet të përgatitet seriozisht për muajt e ardhshëm, pasi pandemia e vërtetët do të nisë tani.
“Duhen më shumë përpjekje. Ne duhet të ndryshojmë disa gjëra sepse pandemia tani do të fillojë seriozisht. Edhe me ne. Ne nuk kemi bërë gjëra më mirë se të tjerët deri më tani, vetëm kemi reaguar më herët. Ne nuk kemi qenë të suksesshëm sepse kemi institucione më të mira shëndetësore sesa ato franceze dhe spitale më të mira se ato italiane, por koha është çelësi”, thotë shkencëtari gjerman.
275,927 raste janë konfirmuar në Gjermani, ndërsa janë shënuar 9,409 viktima. Megjithëse, në krahasim me pjesën tjetër të Evropës, përgjatë javëve të fundit, në Gjermani nuk ka pasur rritje të menjëhershme të rasteve. Ndërsa Franca regjistroi mbi 10 mijë raste në ditë, në Gjermani, shifrat më të larta ishin 2200.
