Rama mbledh drejtuesit politikë në qarqe: Hiqni drejtorët që dështuan, stop arrogancës

Sot në selinë e PS-së kryeministri Edi Rama për rreth dy orë mblodhi drejtuesit politikë të qarqeve me fokus organizimin.

Burime nga mbledhja e shtabit elektoral pohuan se pasi drejtuesit politik dorëzuan analizën e tyre përsa i përket problematikave të qytetarëve dhe përformancën e shërbimeve nga drejtuesit e institucioneve, Rama u ka kërkuar që të evidentojnë cdo drejtor që nuk i ka ofruar shërbimin e tyre qytetarëve.

Gjithashtu kryesocialisti u ka thënë drejtuesve të qarqeve që duhet bërë një rishikim i cdo drejtuesi të institucioneve publike që ka dështuar në punën e tij. Kreministri, mësohet t’u ketë thënë që nuk do të lejohet më arroganca e këtyre personave ndaj qytetarëve.

Mbledhja e ditës së sotme ishte e treta që kryeministri zhvillon me shtabin elektoral pas atyre në 9 dhe 14 shtator, teksa takimet me raportime nga drejtuesit politikë në qarqe do të jenë të përjavshme.