Një edukatore kopshti dhe vajza e saj 5 vjeç kanë rezultuar pozitivë ndaj Covid-19, nga rastet e zbuluara me koronavirus në Kuçovë. Raportohet se edukatorja ka qenë në punë deri në momentin e shfaqjes së simptomave, çka ka detyruar institucionet të karantinojnë edhe 12 fëmmijët që janë në të njëjtin grup.
Një tjetër rast që ka ngritur alarmin po në Kuçovë është edhe një punonjëse fasonerie. Ajo e ka ndërprerë marrëdhënien me punën vetëm ditën që ka bërë tamponin, duke vënë në alarm koleget e saj më të afërta dhe gjithë punonjëset e repartit ku ajo punonte.
Burimet zyrtare të Drejtorisë së Higjenës bëjnë me dije se është kryer dezinfektimi i kopshtit dhe fasonerisë në Kuçovë si dhe janë mbyllur dy reparte të fasonerisë dhe grupi i fëmijëve ku punonte edukatorja e infektuar.
