Petrit Vasili, nënkryetar i LSI-së, ka reaguar në rrjetet sociale lidhur me propozimin e paraqitur nga PS në Këshillin Politik, për listat e hapura.
Vasili shkruan se propozimit të Ramës për listat e hapura të kandidatëve i ka dalë boja, pasi ai propozon mbylljen 100 % të listave.
“Propaganda rilindase nxjerr fytyrën e vërtetë: listat mbeten totalisht të mbyllura, mbetet të njëjtat lista me renditje të paracaktuara dhe të mbyllura më keq se më parë.
Gjithshka që rilindja ndryshoi në Kushtetutë ishte vetëm për të penguar koalicionet dhe realisht zero mundësi, që shqiptarët të zgjidhnin si të mendonin kantidatët.
Kushdo shqiptar, që mendoi dhe besoi se do të hapeshin listat sot e ka shumë të qarte, që ky ishte thjesht mashtrim ordiner i radhës i Edi Ramës.
Përballë shqiptarëve është një kryeministër, që përpëlitet në ethet e humbjes dhe mashtron pa u lodhur, por verdiktit të paracaktuar të shqiptarëve nuk i shpëton dot”, shkruan Vasili.
