Përveçse porositi vrasjet e Emiljano Ramzanit dhe Regis Runajt, Erion Alibej dyshohet se ishte i përfshirë në vrasjen e Bujar Çelës, vëllait të Talo Çelës.
Burime nga Policia e Elbasanit thanë për mediat se 34-vjeçari dyshohet se ka organizuar edhe vrasjen e Bujar Çelës.
Ende nuk ka prova të mjaftueshme, por po hetohet për këtë vrasje. Erion Alibej cilësohej me rrezikshmëri të lartë në Elbasan dhe mendohet se ka organizuar vrasjet e fundit që kanë ndodhur në këtë qytet. Ai është arrestuar nga RENEA.
Erion Alibej përdorte edhe emrat Andrea Alibej dhe Erion Dylgjeri. 34-vjeçari është një emër i njohur, pasi së bashku me vëllain e tij Indrit Alibej (të vrarë në Elbasan në 2018-në) drejtonin një rrjet të trafikut të drogës në Itali e Holandë./Mapo.al/
LEXO EDHE:
Porositi dhe organizoi vrasjet e Elbasanit – Ja kush është Erion Alibej (FOTO+DETAJE)
