Atentati me eksploziv në Tiranë, Lleshaj: Policia dështoi

Ministri i Brendshëm, Sandër Lleshaj, tha mbrëmjen e sotme se grupet kriminale përdorin edhe eksplozivët për të realizuar qëllimet e tyre.

“Mund të jenë edhe celula, që bëjnë biznes kriminal me këtë formë”, tha Lleshaj, duke komentuar ngjarjen e ndodhur pasditen e sotme në Tiranë, ku si rezultat i shpërthimit të një automjeti, mbeti i plagosur 1 person.

I pyetur nëse policia ka dështuar në parandalimin e ngjarjeve kriminale, Lleshaj tha në emisionin “Open” se në rastin konkret ka dështuar.

LEXO EDHE  Afera e 75 mln eurove me tre inceneratorët/ Këlliçi: Po të punonin, mjaftonin për gjithë Ballkanin

“Për çdo ngjarje që ndodh, policia dështon. Por çdo ngjarje nuk mund të parandalohet, nuk ndodh në asnjë vend të Botës”, tha Lleshaj.

Sipas tij, sado e rëndë të jetë një ngjarje, ajo mbetet pranë një ngjarje.

“Kjo pamje mund të na ndikojë për momentin, por situata e rendit dhe sigurisë në Shqipëri, nuk është dramatike. Unë s’mund të vijë të qaj sot këtu meqë ndodhi kjo ngjarje”, tha Lleshaj.