Avokati Ledio Braho, i ftuar në Ora News, ka folur në lidhje me mbledhjen e sotme të Këshillit Politik, ku përfaqësuesi i PS, Damian Gjiknuri deklaroi se tashmë ndryshimet kushtetuese janë në fuqi.
Për këtë, Braho tha se është fakt që ndryshmet kushtetuese kanë hyrë në fuqi, sa i përket sistemit zgjedhor dhe është detyrim cështja e lsitave të hapura me jo më pak se dy të tretën e tyre.
“Detyrim ky që duhet të përkthehet në kod zgjedhor me një shifër konkrete se sa do të jetë hapja e listave”
Sa i përket koalicioneve parazgjedhore, avokati Braho tha se pa një ndryshim të kodit zgjedhor, s’mund të konceptohen ndryshimet kushtetuese.
“Patjetër që do të ndryshohet kodi zgjedhor. Mazhoranca kur ka numrat për të ndryshuar Kushtetutën, i ka numrat për të ndryshuar kodin zgjedhor.
Këtu duhet faktori ndërkombëtar, për të ushtruar të njëjtën trysni siç ushtroi për marrëveshjen e 5 qershorit, në mënyrë që kjo mazhorancë të mos ketë të njëjtën sjellje siç kishte për ndryshimet kushtetuese.”-tha Braho.
