Kryetari i Bashkisë së Tiranës, Erion Veliaj, komentoi mbrëmjen e sotme në Real Story, largimin e Besa Shahinit dhe emërimin e Evis Kushit, si ministre e Arsimit.
Veliaj tha se ndryshimet në Qeveri janë kompetencë e Kryeministrit.
“Trajneri i ekipit tonë vendosi që të bëjë një ndryshim në formacion, si ato ndryshimet në ekip të ministës së fundit.
Jam i bindur që Evis Kushi do të bëjë një punë fantastike, është pedagoge në Elbasan. Edhe kombëtarja nuk i ka të gjithë lojtarët nga Tirana”, tha Veliaj.
Ai tha se synojmë 74 mandate në zgjedhjet e 25 prillit, ndërsa theksoi se “Kryeministri në rolin e një trajneri flet ashpër me ekipin”.
“Ne kemi zellin për të marrë mandatin e 3, Lulzim Basha që synon postin e Kryeministrit, vijon pushimet në plazh. Kjo tregon se ai e ka marrë me sportivitet, ndërsa Kryeministri e nis ditën me takime”, tha Veliaj.
