Një 51-vjeçar nga fshati Lolaj i Peqinit ka qëlluar për vdekje me gurë, fqinjin e tij Shyqeri Hema 64 vjeç.
Specialistët për Hetimin e Krimit në Komisariatin e Policisë Peqin, arrestuan Sefedin Çelmeta, 51 vjeç, banues në të njëjtin fshat.
Policia tha se “arrestimi i tij u bë pasi më datë 10 shtator 2020, rreth orës 23:30 , në fshatin Lolaj, gjatë një konflikti për motive të dobëta, i arrestuari ka goditur me gurë, Sh.H, 64 vjeç, i cili si pasojë e plagëve të marra ka ndërruar jetë sapo ka mbërritur në Spitalin Rajonal të Elbasanit”.
Materialet hetimore i kaluan Prokurorisë pranë Gjykatës së Shkallës Parë Elbasan, për veprën penale, “Vrasje me dashje”, shtuan të njëjtat burime.
