Real Madrid i mbushur me talente, dilema kryesore e Zidane: Një ekip me përvojë apo të dominuar nga të rinjtë?!

Zinedine Zidane ka në dispozicionin e tij një numër të madh talentesh te Real Madrid që ndërthuren mes tyre për nga eksperienca e madhe dhe mosha e re.

Formacioni startues i “Los Blancos” është më i fortë se sezonin e kaluar, pavarësisht nga mungesa e nënshkrimeve gjatë merkatos së verës.

Shumë prej veteranëve të cilët Zidane i trajnoi përpara se të largohej nga klubi janë ende pjesë e klubit, por atyre i janë shtuar  disa talente të rinj të padiskutueshëm.

Toni Kroos dhe Luka Modric kanë dominuar mesfushën e Real Madrid për disa vite, duke sjellë cilësitë e tyre teknike në stilin e lojës së Los Blancos. Tani, megjithatë, me fluksin e lojtarëve më të rinj, më imponues fizikisht, Zidane ka një mënyrë tjetër të luajturi.

Martin Odegaard është një shembull kryesor, i cili bën përshtypje aq për qëndrueshmërinë dhe forcën e tij sa aftësinë e tij për topin. Si ai ashtu edhe Fede Valverde, janë cilësuar si mesfushorë total të cilët bëjnë gjithçka në mesfushë.

Më tej përpara në sulm, Vinicius Junior dhe Rodrygo janë rritur shumë si futbollistë. Dy brazilianët mbërritën te Real Madrid si driblues të jashtëzakonshëm, por tani ata duken një kërcënim real në krahët e sulmit duke marrë kështu vëmendjen maksimale të Zidane.

LEXO EDHE  VIDEO/ Florian Marku i papërmbajtshëm, ofendon rëndë kundërshtarin dhe largohet me forcë nga sigurimi

“Ata nuk e kanë humbur aftësinë e tyre dribluese, por kanë fituar shumë forcë”, thonë trajnerët e tyre personalë, Thiago Lobos dhe Marcel Duarte.

Këto katër elementë të rinj, duke shtuar këtu edhe Ferland Mendy si mbrojtës i majtë do të ishin në ekipin më fizik të Zidane , nëse ai vendos të luajë në atë mënyrë: Thibaut Courtois, Dani Carvajal, Raphael Varane, Sergio Ramos, Mendy, Casemiro, Valverde, Odegaard, Rodrygo, Vinicius dhe Karim Benzema.

Sidoqoftë, lojtarët veteran më të cilët Zidane fitoi gjithçka në epokën e parë si trajner, kanë shumë argumente për të vijuar si titullarë. Treshja e mesfushës Casemiro, Kroos and Modric ishin pika kyçe në fitimin e Ligës së Kampioneve për tre vite radhazi.

Ata, së bashku me Eden Hazard, Isco dhe Marcelo do të ishin pjesë e një formacioni më teknik të Real Madridit këtë sezon, duke iu përmbajtur metodave të vjetra: Courtois, Carvajal, Varane, Ramos, Marcelo, Casemiro, Kroos, Modric, Isco, Hazard dhe Benzema .

Zidane gjithmonë ka befasuar me formacionet e tij dhe kështu na mbetet vetëm të shohim “fytyrën” e kampionëve të Spanjës për sezonin 2020/2021.