“Projektligji ‘Anti-shpifje’ për mediat online po tentohet të depozitohet në Kuvend nga ana e shumicës parlamentare të PS”, është informacioni që kanë marrë nga burime jozyrtare, 17 organizata shqiptare të Shoqërisë Civile.
Ato thonë se Kuvendi i Shqipërisë po planifikon të shqyrtojë dekretin e Presidentit Meta për rikthim të ligjit dhe rishqyrtim për të trajtuar vetëm ato pika për të cilat ka pasur vërejtje. Në seancën e parë të këtij sesioni parlamentar, kryeministri Rama tha se kanë marrë një opinion nga Komisioni i Venecias dhe mbi bazën e saj po punohet për të ndëshkuar ligjërisht për shpifjet online.
Por duket se qeveria po shkel rekomandimet pasi Komisioni i Venecias, në opinionin e vet në pikën 71 shkruan: [Komisioni] këshillon kundër zgjerimit të mandatit të AMA në fushën e medias online pa një fuqizim korrespondues të pavarësisë dhe profesionalizmit të këtij institucioni.”
Burimet e Faxweb.al bëjnë me dije se për për këtë ligj po kujdeset bashkëpunëtori i afërt i Ramës, Tomi Frashëri, kreu i AKEP-it.
Ndërkohë organizatat vërejnë se pavarësia dhe profesionalizmi i këtij Institucioni të pavarur (AMA) që Venecia rekomandon, nuk garantohet me korrektime në legjislacion, aq më tepër në kushte të urgjencës/shpejtësisë, por kërkon një debat të mirëfilltë që më së pari duhet të vijë si nismë e vetë gazetarëve profesionistë dhe jo e ekzekutivit/parlamentit.
Deklarata e plotë:
Organizatat vërejnë se pavarësia dhe profesionalizmi i këtij Institucioni të pavarur (AMA) që Venecia rekomandon, nuk garantohet me korrektime në legjislacion, aq më tepër në kushte të urgjencës/shpejtësisë, por kërkon një debat të mirëfilltë që më së pari duhet të vijë si nismë e vetë gazetarëve profesionistë dhe jo e ekzekutivit/parlamentit.
Shtatëmbëdhjetë organizata shqiptare të Shoqërisë Civile janë informuar, siç thonë, në rrugë jozyrtare për një përpjekje nga ana e shumicës parlamentare të Partisë Socialiste për të çuar përpara projektligjin e shumëdebatuar për mediat online.
Me anë të një deklarate, organizatat thonë se janë informuar se Kuvendi i Shqipërisë ka në plan të shqyrtojë dekretin e Presidentit Meta për rikthim të ligjit për rishqyrtim dhe në bazë të nenit 86 të rregullores, të trajtojë vetëm ato pika për të cilat Presidenti ka pasur vërejtje.
Deklaratë/ Tiranë më 10 shtator 2020/ Shtatëmbëdhjetë organizata shqiptare të Shoqërisë Civile janë informuar në rrugë jozyrtare për një përpjekje nga ana e shumicës parlamentare të Partisë Socialiste për të çuar përpara, në mënyrë jokorrekte dhe jotransparente projektligjin e shumëdebatuar për mediat online, duke mos respektuar në tërësi opinionin e Komisionit të Venecias dhe duke anashkaluar disa nga vërejtjet më të rëndësishme të këtij opinioni.
Organizatat janë informuar se Kuvendi i Shqipërisë ka në plan të shqyrtojë dekretin e Presidentit Meta për rikthim të ligjit për rishqyrtim dhe në bazë të nenit 86 të rregullores, të trajtojë vetëm ato pika për të cilat Presidenti ka pasur vërejtje.
Organizatat vërejnë se kjo është mënyra e gabuar e trajtimit të problemit dhe nuk adreson shqetësimin kryesor të ngritur nga Opinioni i Komisionit të Venecias. Për rrjedhojë, organizatat i bëjnë thirrje Kuvendit të Shqipërisë të pranojë dekretin e Presidentit dhe të rinisë procesin nga e para në mënyrë që një nismë e tillë ligjore të ndërmerret vetëm pasi të jemi siguruar për respektimin e Kushtetutës së Republikës së Shqipërisë dhe standardeve ndërkombëtare mbi lirinë e shprehjes.
Trajtimi nga ana e ligjvënësve i vetëm shqetësimeve të ngritura nga dekreti i Presidentit do të sillte injorimin e disa vërejtjeve shumë serioze të ngritura nga Komisioni i Venecias dhe për rrjedhojë, do të krijonte një ligj problematik dhe cenues të lirisë së shprehjes.
Komisioni i Venecias, në opinionin e vet në pikën 71 shkruhet: [Komisioni] këshillon kundër zgjerimit të mandatit të AMA në fushën e medias online pa një fuqizim korrespondues të pavarësisë dhe profesionalizmit të këtij institucioni.”
Organizatat vërejnë se pavarësia dhe profesionalizmi i këtij Institucioni të pavarur (AMA) që Venecia rekomandon, nuk garantohet me korrektime në legjislacion, aq më tepër në kushte të urgjencës/shpejtësisë, por kërkon një debat të mirëfilltë që më së pari duhet të vijë si nismë e vetë gazetarëve profesionistë dhe jo e ekzekutivit/parlamentit.
Organizatat rikujtojnë gjithashtu se në pikën 72 të opinionit, Venecia rekomandon trajtimin e problemit të sjelljes dashakeqe dhe të papërgjegjshme në internet përmes vetërregullimit dhe jo rregullimit administrativ, gjë që tregon se përpjekja e parlamentit për të çuar përpara këtë ligj bie ndesh me opinionin e Venecias.
Për sa më sipër, organizatat kërkojnë nga Kuvendi i Shqipërisë të mos vijojë me planet për të vënë në fuqi një ligj që bie ndesh me kushtetutën dhe praktikat më të mira ndërkombëtare.
Organizatat shprehin gatishmërinë të ndihmojnë Kuvendin e Shqipërisë në trajtimin e shqetësimeve të ngritura më herët.
Lista e organizatave nënshkruese: BIRN Albania; Civil Rights Defenders; Citizens Channel; Faktoje; Grupi Shqiptar per te drejtat e njeriut; Instituti Shqiptar i Medias; Instituti Shqiptar i Shkencave; Këshilli Shqiptar i Medias; Komiteti shqiptar i Helsinkit; Lidhja e Gazetarëve të Shqipërisë;
Neë Media Network; Qendra Res Publica; Qendra Shqiptare MediaLook; Qendra Shqiptare për Gazetari Cilësore; Shoqata e Gazetarëve Profesionistë të Shqipërisë; Shoqata e Gazetarëve Europianë të Shqipërisë; Unioni i Gazetarëve Shqiptarë.
