Paris Saint Germain do ta nisë me 8 mungesa sezonin e ri të Ligue 1 ku 7 prej tyre madje janë titullarë.
Kampionët e Francës të cilët do të zbresin në orën 21:00 teksa përballen ndaj Lens. Gjigandët francezë nuk do të kenë në dispozicion emra të rëndësishëm për shkak se plot 8 futbollistë janë prekur nga COVID-19 dhe duhet të qëndrojnë në karantinë.
Në këtë listë bëjnë pjesë dy portierët Keylor Navas e Sergio Rico, por edhe treshja e frikshme sulmuese Neymar-Icardi-Mbappe ndërsa të prekur me coronavirus janë edhe Di Maria, Paredes e Marquinhos.
Të gjithë këta futbollistë u infektuan me coronavirus gjatë pushimeve verore, pas finales së Champions League ndaj Bayern Munich. Në këtë mënyrë trajneri i PSG, Thomas Tuchel do ta ketë shumë të vështirë të krijojë një 11-she kompetitive për sfidën ndaj Lens e cila do të jetë shumë e vështirë për parizienët.
