Manjola Cakoni denoncoi sot kërcënimin që kishte marrë nga Kryeministria, pasi kishte kërkuar të drejtat e saj dhe për fëmijën.
Familja Cakoni ishte një nga më të prekurat nga tërmeti i 26 nëntorit, duke humbur 7 anëtarë të saj.
Denoncimi i Manjola Cakonit nuk u transmetua nga mediat kryesore televizive, ndërsa mediat online përgjithësisht e publikuan.
Gazetari Klodian Tomorri ka ironizuar heshtjen mediatike.
“Ta kishte bërë Berisha këtë që ka bërë Rama me familjen e Thumanës, do t’i shikonit të gjithë deputetët e PS-së duke qarë atje të shtëpia.
Të gjithë do dilnin në intervista duke qarë, duke u përbetuar për zhdukjen e regjimit të pandjeshëm dhe çnjerëzor të Berishës. Madje çdo 26 nëntor do bënin dhe marshim ne Thumane. Televizionet do bënin emisione dhe transmetime maratonë vetëm për këtë çështje.
Nejse. Kjo gjëja që ka bërë ky, duke i telefonuar asaj, është e neveritshme në çdo aspekt. Po avokat populli kemi me ne?” shkruan Tomorri.
