Ka dhënë dorëheqjen drejtori i Spitalit të Kavajës, Përparim Daiu. Raportohet se vendimi për dorëheqje është marrë nga vetë Daiu.
Burime për mediat bëjnë me dije se Daiu ia ka dorëzuar personalisht në zyrë ministres së Shëndetësisë, Ogerta Manastirliu, dorëheqjen e parevokueshme, tri ditë më parë, duke i kërkuar kësaj të fundit miratimin e kërkesës së tij.
Në fillim të këtij viti, u raportua se ai ka dhënë dorëheqjen pas një përplasje me kryebashkiakun e PS në Kavajë Redjan Krali, dorëheqje të cilën vetë Daiu e mohoi.
Asokohe, ish-kryeministri Sali Berisha publikoi një denoncim të një qytetari, i cili theksonte se Daiu është kërcënuar nga Krali, pasi i ka kundërshtuar urdhrin për ngritjen e karantinës në Spitalin e Kavajës.
