Ish-Kryeministri Sali Berisha tha mbrëmjen e sotme në emisionin “Opinion” se marrëveshja e detit e 2009 me 6 milje nuk e prekte Shqipërinë, ndërsa shtoi se zgjerimi me 12 milje e prek plotësisht vendin tonë.
Ish-kryeministri pohoi se politika turke është përfshirë me ndikimin e saj në vendimin e Kushtetueses, e cila rrëzoi marrëveshjen.
“Është e vërtetë që nuk ka marrëveshje, por jemi në proces marrëveshjeje. Ne kemi të drejtë të themi “fqinj, ju po ndryshoni rregullat e lojës, pasi ne jemi në një proces marrëveshjeje, nga 6-12 milje. Zografi biss thotë se ne nuk kemi marrëveshje, por nëse Greqia shkon në Gjykatën Ndvrkombëtare dhe thotë se Edi Rama ka bërë deklaratë që s´ka marrëveshje, atëherë Shqipëria humbet”, tha Berisha.
Ai shtoi se po të ishte Kryeministër do të bënte një deklaratë publike ku do të thoshte se nuk e njihte deklaratën e Kryeministrit të Greqisë për zgjerimin me 12 milje.
“Nëse gjeni një konkluzion të Gjykatës Kushtetuese të bazuar në ekspertizë do të kërkoj 100 herë falje. I vetmi dokument që u mor për bazë ishte harta e një spekulatori që ka mashtruar me linjën bazë të koordinatave, duke e spostuar me 19 km në drejtim të territorit shqiptar. Ky është dokumenti që u mor për bazë.
Marrëveshja e 2009 ishte më e mira, nuk do të arrihet kurrë më e mirë se ajo marrëveshje. Në një marrëveshje synohet optimumi, jo maksimumi.
Sali Berisha dhe gjithë anëtarët e tjerë kishim parasysh që pala tjetër kishte 6 milje”, tha Berisha.
Sipas tij, grekët kishin dyshime se unë kisha dorë në rrëzimin e marrëveshjes, dhe kur u bindën që s´kisha pasur asnjë ndikim, atëherë pranuan për të shkuar në Gjykatën Ndërkombëtare.
