Lionel Messi do të jetë lojtar i Barcelonës edhe për këtë vit, por zjarri në “Camp Nou” nuk është shuar.
Presidenti, Josep Maria Bartomeu, përballet me paqëndrueshmëri në të gjitha nivelet dhe imazhi i tij është prekur nga ngjarjet e fundit.
Muajt e ardhshëm do të jenë të trazuar për Blaugranasit dhe bordi do të jetë nën qendër të vëmendjes për arsyet e mëposhtme.
Messi
Marrëdhënia midis argjentinasit dhe Presidentit nuk është aspak e mirë, diçka që u bë më shumë se e qartë me deklaratën e futbollistit.
Ai është kapiteni dhe lojtari i preferuar i tifozëve, kështu që është e vështirë për Bartomeu të fitojë një betejë kundër tij.
Pjesa tjetër e skuadrës
Përveç kapitenit, lojtarët e tjerë në dhomat e zhveshjes gjithashtu kanë pasur mosmarrëveshje me bordin e klubit.
Ish-drejtori sportiv, Eric Abidal, kritikoi disa nga performancat e lojtarëve dhe disa rrjedhje informacioni, veçanërisht për çështje të tilla si uljet e pagave për shkak të COVID-19.
Klima e mosbesimit … dhe zgjedhjet
Mbledhja e firmave të anëtarëve të Barcelonës është duke u zhvilluar nga ku votimet do të përcaktojnë nëse ai do të qëndrojë në postin e tij apo jo.
Cilado qoftë rezultati i kësaj lëvizjeje, zgjedhjet në mars do të zhvillohen. Mandati i tij ka një datë të qartë skadence.
Asambleja e klubit
Bartomeu do të duhet të mbrojë drejtimin e tij që I ka bërë klubit përpara asamblesë së përgjithshme. Në këtë skenar, presidenti mund të përballet gjithashtu me një mocion mosbesimi.
Në rast të dështimit për të fituar atë betejë, ai nuk do të ishte i detyruar të largohej nga pozicioni por imazhi i tij do të dëmtohej seriozisht.
Financat
Koronavirusi ka prekur të gjitha klubet dhe Barcelona nuk bën përjashtim pasi ata kanë humbur rreth 154 milion euro të ardhura në sezonin 2019/20 për shkak të pandemisë dhe situata do të vazhdojë të komplikohet këtë vit.
Reduktimi i pagave në nivel klubi është thelbësore për të balancuar financat e klubit dhe anëtarët do të kërkojnë të kuptojnë se si bordi aktual po e përballon këtë.
Afera “Barca gate”
Policia ka gjetur shenja korrupsioni brenda klubit në sagën e njohur si “Barca gate.”
Sipas raporteve të policisë, anëtarët e bordit mund të kenë përfituar personalisht duke punësuar i3 Ventures për të monitoruar Barcelonën në mediat sociale.
Ata i ndanë faturat në shuma më pak se 200,000 euro për të shmangur detyrimin e miratimit zyrtar.
