Paralajmërohet largimi i Bushatit nga strukturat drejtuese të PS/ Beqaj: PS në Shkodër ka boshllëk, drejtorët do kalohen në sitë

Ilir Beqaj, i caktuar si drejtues politik në qarkun e Shkodrës, ka lënë të nënkuptohet se ish-ministri i Jashtëm, Ditmir Bushati, nuk do të jetë pjesë e forumeve drejtuese të kësaj partie.

Gjithsesi vendimi për Bushatin pritet të merret nga Asamblea Kmbëtare e PS-së, e cila do të mblidhet më 11 shtator.

Beqaj ka zhvilluar takimin e parë prezantues me strukturat e PS-së në qarkun Shkodër si drejtues politik, ku nuk ka nguruar që të paralajmërojë drejtuesit e institucioneve se do të kalojnë në sitë.

“Kemi një boshllëk 1 vjeçar në punën e partisë dhe duhet të punojmë shumë. Sigurisht, jam i vetëdijshëm për problemet e partisë dhe drejtorëve. Drejtorët nuk janë një punë e imja, por do të shohim se si kanë punuar sepse kur vjen puna për legalizime ose funksione të tjera nuk ka të majtë e të djathtë. Për drejtoritë e zhvendosura nga Shkodra në Lezhë besoj se kjo është një temë e gjatë dhe do të dojë më shumë kohë për të kuptuar konceptin e rajoneve”, deklaroi mes të tjerave ai.

LEXO EDHE  Rastet e reja në Fier, të infektuar mësues, nxënës dhe bluza të bardha/ Detajet

Përsa i takon ndryshimeve në Qeveri, Beqaj tha se ato janë një e drejtë e Kryeministrit dhe 7 muaj para zgjedhjeve nuk është e lehtë të bëhen.

“Kam pranuar me dëshirë propozimin e kryeministrit sepse në Shkodër e kam filluar politikën aktive. Me kryeministrin kam një marrëdhënie sy me sy për të cilën zgjat shumë pak vendimmarrja. Për kandidatët për deputetët në Shkodër, drejtuesi politik i qarkut ka për detyrë të merret me të gjithë. Në këtë faze jemi shpejt për të kaluar te kandidaturat’, tha Beqaj.