Një tjetër paciente, e prekur nga Covid-19, ka ndërruar jetë, në spitalin e Elbasanit. 64-vjeçarja ndodhej e shtruar në pavionin infektiv të spitalit rajonal në Elbasan.
Gruaja nga Bradasheshi ishte me koronavirus dhe mjekohej prej katër ditësh në kushte shtëpie, raporton abcnews.
Dyshohet se 64 vjeçarja ishte infektuar nga bashkëshorti, i cili gjendet i karantinuar në shtëpi.
Por, rëndimi i situatës ka detyruar familjarët që ta nisin për në spital, ku edhe ka ndërruar jetë.
64-vjeçarja është pacientja e 317 që humb jetën nga koronavirusi që prej shfaqjes së pandemisë në Shqipëri.
