FOTO/ 44 mln euro gjoba nga Arbitrazhi, PD: Ti paguajë Rama dhe Balla

Partia Demokratike ka reaguar sërisht përmes ish-deputetit Endri Hasa lidhur me vendimin nga Arbitrazhi që detyron Shqipërinë të paguajë 44 mln euro për një kompani greke, pasi tenderi i rrugës iu dha Edmond Begos, mikut të Taulant Ballës.

Hasa shkruan në rrjet se punimet e autostradës Tiranë-Elbasan u vonuan 6 vite sepse lekët duhet ti merrte Edmond Bego për llogari të Taulant Ballës.

“Përveç kostove të rritura prej abuzimit dhe korrupsionit, për shkak të hajdutëve të rilindjes tashmë me vendim arbitrazhi do duhet ti paguhen dhe 44 milionë dollarë të tjera kompanisë që ndertoi rrugën.

LEXO EDHE  Raporti i INSTAT: Ja sa persona kanë humbur jetën gjatë muajit gusht

Ndërkohë që qytetarët e dëmtuar nga tërmeti janë ende në çadra, ndërkohë që vendet e punës mbyllen, Edi Rama dhe hajdutët që e rrethojnë mendojnë vetëm si ta zhvasin dhe varfërojnë çdo ditë vëndin.

44 milionë dollarët duhet ti paguajë Edi Rama dhe banda e tij dhe jo shqiptarët.

Banda e hajdutëve duhet të largohet sa më parë dhe të përgjigjet për çdo qindarkë që i ka vjedhur shqipëtarëve”, shkruan Hasa.