Shtyhet marrëveshja Suarez-Juventus, shkak bëhet pasaporta e uruguajanit

Luis Suarez mund të largohet nga Barcelona drejt Juventusit. Ky është lajmi që po qarkullon ditët e fundit teksa sulmuesi nuk është më pjesë e planeve të teknikut Ronald Koeman.

Juventusi ka trokitur në derë dhe e sheh si zëvendësuesin e denjë të Gonzalo Higuainit. Marrëveshja mes klubit dhe lojtarit është arritur, ndërsa tani mbetet fare pak që klubet të dakordësohen mes tyre.

LEXO EDHE  Dhimbje koke për Simeonen, “gjiganti” i kampionëve pozitiv me Covid-19

Gazzetta dello Sport nga krahu tjetër shkruan se një problem tjetër është fakti që Suarez nuk ka pasaportë europiane.

Martesa e tij me italianten Sofia Balbi mjaftonte për t’u konsideruar si një futbollist europian, në Spanjë, por Italia ka rregulla të reja. Juvja nuk do që Suarez të jetë një nga 3 lojtarët jo europian të saj, prandaj marrëveshja po vonohet.