Një nga njerëzit që qëndron pas idesë së “të imunitetit të tufës” për menaxhimin e pandemisë COVID-19 është promovuar nga Organizata Botërore e Shëndetësisë. Suedezi Johan Giesecke është emëruar në pozicionin e këshilltarit të Drejtorit të Përgjithshëm të OBSH-së Tedros Adhanom Ghebreyesus për betejën kundër parandalimit të përhapjes së Koronavirusit.
Giesecke ishte epidemiolog shtetëror i Suedisë midis 1995 dhe 2005, vend që tashmë ka marrë më pak masa se thuajse të gjitha të tjerat në botë kundër koronavirusit. Johan Giesecke beson te ‘imuniteti i tufës’ dhe për këtë gjë e ka bërë të qartë që në muajin mars.
“Unë besoj se që virusi do të jetë si një stuhi mbi Suedinë dhe do t’i infektojë në thelb të gjithë brenda një ose dy muajsh. Unë besoj se mijëra janë infektuar tashmë në Suedi, e gjitha do të marrë fund kur kaq shumë janë infektuar dhe bëhen të imunizuar saqë virusi nuk ka ku të shkojë tjetër (i ashtuquajturi imunitet i tufës)” thuhet në një nga mesazhet e tij të zbuluar, shkruajnë mediet ndërkombëtare.
Giesecke tha se ai beson se “të gjithë do të ekspozohen” ndaj virusit në një moment dhe se “shumica e njerëzve do të infektohen” – por shumë do të kenë simptoma të dobëta ose të lehta. “Ka shumë pak që mund të bëjmë për të parandaluar këtë përhapje: një bllokim mund të vonojë raste të rënda për një kohë, por sapo të lehtësohen kufizimet, rastet do të rishfaqen. Unë pres që kur të numërojmë numrin e vdekjeve nga COVID-19 në secilin vend në një vit nga tani, shifrat do të jenë të ngjashme, pavarësisht nga masat e marra” tha ai. Tashmë pritet nëse do të ketë ndryshime në stategjinë e OBSH-së për në luftën kundër parandalimit të përhapjes së Koronavirusit.
Por cila është zgjidhja? “Nëse një vaksinë efikase zhvillohet, prodhohet në masë dhe shpërndahet në të gjithë botën, atëherë kriza do të marrë fund. E njëjta gjë vlen për një terapi antivirale parandaluese ose me të vërtetë kuruese, në mënyrë që të mos ketë raste të rënda ose vdekje. Shpresoj që njëra ose të dyja këto të jenë në dispozicion së shpejti” tha ai./ abcnews.al
