Një 37-vjeçar shqiptar u arrestua nga policia greke për zhvatje dhe fajde, pasi ndaj tij pati një denoncim nga pronari i një biznesi në Selanik. Ky i fundit, 43 vjeç, e denoncoi në polici shqiptarin për kërcënime të vazhdueshme në mënyrë që të shlyente dhjetëfishin e shumës që mori hua.
Mediat greke raportojnë se 43-vjeçari kishte nevojë urgjente për para dhe kështu u detyrua, gjatë periudhës nga 2017 deri në fillim të vitit 2020, të merrte hua pjesërisht prej personit të arrestuar shumën prej 40,000 euro.
Gjatë gjithë kësaj kohe, sipas ankuesit, ai vetë ktheu, ose personalisht ose në një llogari bankare, 48.200 euro, një shumë që korrespondon me kapitalin fillestar, por edhe me interesat.
Sipas të njëjtin denoncim, muajin e kaluar 37-vjeçari, me kërcënime ndaj biznesmenit dhe familjes së tij, zhvati pagesa në bazë mujore prej 3000 eurosh për 11 vitet e ardhshme, që do të thoshte se ai do të duhej të paguante rreth 400,000 euro.
Në këto rrethana, biznesmeni iu drejtua departamentit të zhvatjes së Selanikut dhe pas një operacioni policor, 37-vjeçari u arrestua në zonën e Charilaou, ndërsa merrte nga biznesmeni një shumë parash për të cilën pretendoi se kishin rënë dakord më parë.
