Edi Rama pritet të largojë kritikët e tij nga kupola e PS-së. Në një asamble që ende nuk është vendosur ku të zhvillohet, online apo në amfiteatrin e Tiranës, Rama pritet të largojë disa prej personazheve të njohur, por të cilët i kanë dalë kundër.
Emrat më të lakuar për tu larguar nga kryesia e PS-së, janë Ditmir Bushati, Fatmir Xhafaj, Vangjush Dako dhe të tjerë të përfolur shumë në publik.
Report tv ka bërë të ditur sot se, selia rozë po shqyrton mundësinë e mbledhjes së ekipeve të saj në 3 rajone të Shqipërisë, rajoni i veriut të organizohet në Shkodër, rajoni qendror në Tiranë dhe jugu në Fier.
Ndonëse nuk është caktuar ende një datë, i sigurt është fakti që Asambleja Kombëtare e PS do të mblidhet brenda javës së parë të shtatorit, pra pa filluar sesioni i ri parlamentar.
Ndryshime të rëndësishme pritet të ketë në kupolën e Partisë Socialiste pasi nga Asambleja do të dalin dhe organet drejtuese të kësaj partie, sekretari i përgjithshëm i Partisë, kryesia, dhe sekretariati ekzekutiv.
