Nga Boldnews.al
Elisa u habit me punën e Rakip Sulit, dikur koleg krahu në Parlament dhe sot kryetar i Bashkisë së Kamzës, që mori mandatin pa kundërshtar politik në votime që nuk ishin zgjedhje. Por Elisa është befasuar me projektet e “mëdha” të Kipes së Rilindjes, aq sa nuk ka duruar më dhe dha një deklaratë të fortë në rrjetet sociale, duke habitur jo pak edhe banorët e varfër të Kamzës.
“Në Kamëz vuloset fitorja historike e QarkutTiranë për mandatin e tretë të Partisë Socialiste me Kryeministër Edi Ramën. Kamza është dëshmi e gjallë se si qeverisim ne në krahasim me kundërshtarët. Për ta, Kamza ishte një geto-bastion. Për ne është një qytet me të ardhme”-shkruan ndër të tjera Elisa e Partisë, gruaja më e fuqishme e PS-së e cila në botën e saj vituale sheh vetëm suksese.
Ajo shoqërohej edhe nga deputeti rinor Eljo Hyskaj e cili pas përballjes me koronavirusin është kthyer “fort” në politikë, duke shoqëruar nga pas shoqen Elisa. E veshur bukur me rrubat e saj të dala nga kompani të mëdha të modës botërore ajo shëtiti nëpër Kamëz ku varfëria, papunësia, por edhe prepotenca e pushtetit lokal dhe qëndror janë ulur aty në mes të kësaj zone.
Po Elisa dhe Rilindasit e tjerë nuk e dinë çështë varfëria, për ta Shqipëria është qendra e bojatisur e qyteteve, jeta vituale në rrjetet sociale dhe lëpirja me jargavitje ndaj kryeministrit Edi Rama. Projektojnë fitoren në zgjedhjet e ardhëshme, duan edhe mandatin e tretë, madje nuk është vetëm se e dëshirojnë, por po shprehin bindje që do ta marrin. Sepse për Elisën dhe të tjerët në Partinë Socialiste, të vëshur nën mantelin e Rilindjes, nuk ka rëndësi rezultati i zgjedhjeve, por marrja e pushtetit, me çdo kusht dhe mjet.
Elisa ishte në Kamëz dhe pa “arritjet” e Kipes së tyre, por sa bëri një paradë në ngushtica të shtruara rishtas pas së cilës fshihen qindra mijëra euro tendera të dyshimtë. Shkoi edhe në zyrat e bashkisë, duke u takuar me gratë e pushtetit dhe punonjës që të përplasin derën në fytyrë kur një qytetar shkon të zgjidhë një problem. Po Elisa nuk shkoi më tej në rrugët e Bathores, pranë zonës së Lumit të Tiranës apo edhe më në periferi, aty ku varfëria, mungesa e infrastrukturës apo arronaca deri në agresivitet i pushtetit mbizotërojnë kudo.
Qëndrimet e Elisës nuk janë edhe aq për tu habitur, përderisa kryeministrin Rama e quan “Skënderbeu ynë”, apo edhe Don Kishotin si personazh shqiptar. Për herë të parë në jetë Elisa ka firmosur në borderotë e shtetit si Drejtore e Përgjithshme e Doganave. U fut në ato zyra si një vajzë e thjesht dhe tani shëtit kudo me veshje firmato, jetesë luksi dhe shpërthen herë pas here me botën e saj surreale. Sot gjeti Kamzën për të bërë deklaratën e “bujshme” se ishte e sigurt se do merrte mandatin e tretë, me në krye të madhin dhe të gjatin e saj, Edi Rama!
