Mjekja apel prindërve: Vaksinoni fëmijët para nisjes së vitit shkollor

Teksa pritet që të nisë viti i ri shkollor, të gjithë prindërit e fëmijëve që do të regjistrohen në çerdhe, kopshte apo edhe në klasën e parë, do duhet që të dorëzojnë dokumentin që verifikon se të vegjlit e tyre janë vaksinuar për gripin.

Gjatë ditës së sotme, ministrja e Shëndetësisë Ogerta Manastirliu ka bërë një inspektim në qendrën shëndetësore në Kombinat. Përfaqësuesja e kësaj qendre, përsëriti edhe njëherë thirrjen ndaj prindërve për përfundimin e kësaj procedure.

LEXO EDHE  Studimi: Sa shpesh mund të infektohen me Covid-19 njerëzit e pavaksinuar

“Me vazhdimin e vitit të ri shkollor është i rëndësishëm dokumentimi i vaksinimit. Në të gjithë institucionet arsimore prindërit duhet të dërgojnë një vërtetim që tregon kryerjen e kalendarit sipas dozave përkatëse dhe moshës përkatëse. Prindërit duhet të jenë të kujdesshëm të mos neglizhojnë për të siguruar shëndetin dhe fëmijëve dhe për të qenë në rregull me institucionet arsimore”, u shpreh ajo.