Partia Demokratike, përmes dr. Mirela Tabaku, ka nxjerrë bllof Kryeministrin Edi Rama lidhur me situatën e pandemisë në vend, ku çdo ditë shtohen rastet e reja, por edhe numri i vdekjeve të pacientëve.
“Masa më e rëndësishme e shëndetit publik gjatë një pandemie të një sëmundjeje pa kurë ose vaksinë – siç kanë treguar shumë vende të botës që kanë kontrolluar virusin – është të ofrosh informacion të qartë, të besueshëm, të saktë, të zbatueshëm. Gënjeshtrat “përhapin” këtë sëmundje. Informacioni i gabuar vret, citonte një nga revistat prestigjioze botërore para pak ditësh”, shprehet Tabaku.
Sipas saj, ndër 48 vende europiane, Shqipëria renditet e 4-ta lidhur me numrin vdekjeve për 1 mln banorë. Referuar rasteve të reja për 1 mln banorë, Shqipëria renditet e 12 me 53.4 raste. Ndërkohë për numrin e testimeve, Shqipëria renditet e fundit me 14,893 teste për 1 mln banorë.
