Drejtori sportiv i Partizanit, Olsi Rama, foli ditën e djeshme në lidhje me merkaton e skuadrës këtë verë por preku edhe temën e largimit të mesfushorit Bruno Telushi. Rama deklaroi se vlonjati nuk bënte më pjesë në planet e klubit dhe se ai nuk pranonte të aktivizohej nga stoli.
“Pata një bisedë shumë të çiltër dhe të hapur me atë. I uroj sukses dhe përfitoj nga rasti ta falënderoj për çfarë ka bërë te Partizani, sidomos gjatë vitit që dolëm kampion. E kam admiruar gjithmonë për shpirtin e garës, është një person që e ka këtë pjesë të karakterit. Unë gjithmonë kam ngulur këmbë dhe kam thënë se ndeshja nuk fitohet ditën kur luhet, por gjatë gjithë javës.
“Telushi nuk parashikohej të kishte një rol qendror projektin e ri. Për respektin që kam për të, bëra një bisedë shumë të hapur dhe vendosëm që rrugët të ndaheshin. Ai nuk e shikonte veten në rolin e një personi që vinte nga pankina”.
