Kapen me 4 kg kokainë, arrestohen shqiptari dhe holandezi

Një shqiptar 21 vjeç dhe një holandez 27 vjeç, u arrestuan nga policia belge, natën mes të enjtes dhe të premtes, afër Hazeldonk, pikë kalimi kufitar midis Holandës dhe Belgjikës.

Njësitë policore ushtruan një kontroll në automjetin taksi që drejtohej nga 27-vjeçari holandez.

Gjatë kontrollit policia gjeti një qese me lëndë narkotike, e cila peshonte rreth 4 kg dhe ishte e llojit kokainë.

LEXO EDHE  Propozimi i Bashës: Kush humbi punën nga pandemia, të marrë çek prej 16 mijë lekësh

Policia arrestoi shoferin 27 vjeçar të taksisë nga Roterdami dhe pasagjerin 21 vjeçar nga Shqipëria.

Dy të ndaluarit po merren në pyetje, ndërsa policia po heton lidhur me origjinën e lëndës narkotike.