Bruno Telushi flet për herë të parë si “kuksian”: Nuk kam asnjë peng nga Partizani, ndihem i vlerësuar te klubi i ri!

Ish-mesfushori i Partizanit, Bruno Telushi, firmosi ditën e djeshme me skuadrën e Kukësit, duke u ribashkuar kështu me trajnerin Skënder Gega.

Vlonjati nuk humbi kohë për të udhëtuar drejt Tropojës, dhe për t’u vënë nën urdhrat e teknikut te skuadrës verilindore, në këtë minifazë përgatitore. Në një prononcim për faqen zyrtare të klubit, Telushi, foli si lojtar i Kukësit, duke u shprehur:

Cilat janë përshtypjet e para, pas transferimit te Kukësi?

Ndihem vërtet mirë. Ndihem i vlerësuar, nga ana e stafit dhe presidentit, nga të gjithë njerëzit që bëjnë pjesë në ekip. Kjo më bën të ndihem shumë komod me ekipin.

Mendoni që Kukësi e ka formatin e duhur për të synuar titullin kampion dhe Kupën?

LEXO EDHE  Juventus dhe CR7 zbresin sot në fushë, ja të gjitha takimet e Serie A

Kukësi vajti kaq vite në Superiore që kërkon gjithmonë titullin kampion, apo të arrij sa më lartë. Pjesëmarrja ime këtu te Kukësi, është që të luajmë për të dalë kampionë, për t’i dhënë një ndihmë ekipit për të shkuar te titulli dhe në çdo anë pozitive dhe Kupën e Shqipërisë, apo dhe pjesëmarrja në Europë apo Champions. Shpresoj të arrijmë sa më lartë.

Partizani histori e mbyllur, apo keni ndonjë peng?

Nuk kam asnjë peng, jam pjesë e Kukësit. Dua të jap maksimumin tim te Kukësi dhe të shikoj sa më lart.