Sherr në plazhin e Radhimës/ Kanos policët për një hapësirë toke

Një konflikt ka ndodhur në plazhin e Radhimës, ku një shtetas ka kundërshtuar punonjësit e Agjensisë Kombëtare të Bregdetit, pasi pretendonte se posedonte një hapësirë plazhi në këtë zonë.

Bëhet me dije se pasi i ka kanosur, ai është larguar nga vendngjarja, ndërsa policia po punon për kapjen e tij.

“Rreth orës 12:10, në plazhin e Radhimës, punonjësit e Agjensisë Kombëtare të Bregdetit, gjatë ushtrimit të detyrës për kontrollin e plazheve janë kundërshtuar nga një shtetas, i cili pretendonte se posedonte një hapësirë plazhi në këtë zonë.

LEXO EDHE  Akuzohet se kreu marrëdhënie intime me vajzën e mitur të gruas, arrestohet 39-vjeçari

Si pasojë e konfliktit, shtetasi E. A, dyshohet se ka kanosur punonjësit për shkak të detyrës dhe më pas ky shtetas është larguar menjëherë nga vendi i ngjarjes.

Shërbimet e policisë janë vënë në ndjekie të këtij shtetasi dhe po punohet për kapjen e tij.

Grupi hetimor po punon për sqarimin e rrethanave të ngjarjes”, thuhet në njoftimin e policisë.